Abenduaren 7an Udalbiltza auzian, auziperatuek emaniko agerraldian adierazi zuten moduan, hainbat udalerrietako hautetsi eta hautetsi ohiekin harremanak ireki eta bilkurak egiteko borondatea adierazi zuten.

Harreman horietan lehen urratsak ematen ari direla esan dezakegu, pasaden abenduaren 15ean Lea Artibaiko eskualdean eta bart Oiartzunen eginiko bilkurekin.
Aipatu batzarretara gaur udal ezberdinetan hautetsi direnez gain, Udalbiltzaren zortzi urtetan zehar, hautetsi izan direnak ere gonbidatuak izan dira. Erantzun benetan txukuna jasoaz.
Abenduaren 15ean, Lea Artibain 12 herrietako 58 hautetsi eta hautetsi ohi elkartu ziren, hainbaten azaldu ezina, baian urrenerako borondatea ere jaso zutelarik.
Atzo iluntzean, Oiartzungo Udaletxean burututakoan 30 hautetsi eta hautetsi ohi elkartu ziren.

Aipatu batzarretan Udalbiltzaren 8 urtetako ibilbidea kokatu eta Estatu Espainiarrak Udalbiltzaren aurka eginiko eraso eta hurbiltzen ari den 22 auziperatuen aurkako epaiaren zehaztapenak lantzeaz gain, eraso honen guztiaren baitan dagoena kokatu da. Gure herriak, Euskal Herriak bere buru antolatu eta bere egitura eta instituzionalak eraikitzeko duen eskubidearen aurkako erasoa kokatu da.

Euskal Herriko lehen Nazio Instituzioa eseri nahi dute Madrileko Audientzi Nazionalean, instituzio nazionala epaitu eta kondenatu nahi dute. Euskal herritarrek beren instituzioak eraikitzeko eskubidea ilegalizatu nahi dute, Herri gisa gure buruak eraikitzeko dugun eskubidea eta nahiarekin amaitu nahi dute.
Horra hor 22 auziperatuen delitua: herri bezala gure instituzio propioak osatzeko daukagun eskubide demokratikoa gauzatzen ahalegintzea. Baian abendukoak 7ko agerraldian auziperatuek beraiek zioten moduan, " Ez, Udalbiltza ez da izan eta ez da izango delitugile: Udalbiltza onura publikoa baino ez dakarren nazio instituzio demokratikoa da".

Aipatu eskualdeko hautetsiekin eginiko bilkuretan Herri bezala erantzuteko beharra landu dela, herritar guztion eta Euskal Herriaren eskubide guztien defentsan aritzeko. Auzipetuek, beren aldetik, orain hautetsi izan zein ez, hor egoteko borondatea azpimarratu dute , orpoz-orpo lankidetzan gaur egungo udal hautetsiekin, Euskal Herriaren nazio izaera aldarrikatzeko lanean.

Gerturatzen ari den epaiketa, errotik moztu nahi duten Nazio Instituzioa Defendatzetik haratago, Indartzeko borondatez, bildu dira bilkura hauetan auzipetu eta herrietako hautetsiak.
1999ko irailaren 18an ia 2.000 hautetsiren bultzada demokratikoaz jaio zen nazio instituzioa, aro berri honetan indartzeko konpromisoaz amaitu ziren batzar hauek. Hori baita 22 auziperatuei zein Nazio Instituzioari egin ahal zaion elkartasun keinurik honetan. Kolpatu nahi duten lanean jarraitzea eta indartzea.
Lea Artibaiko eta Oiartzungo batzarrek , segida izango dute Iruñea, Zumarraga, Aiara, , Baiona, Durango…. Eta hainbat herri eta hirietan.

Euskal Herri osoko hautetsi eta hautetsi ohiek Nazio Instituzioaren defentsan eta indartzean eragile bilakatu behar direlako, eta Udalbiltzaren indartzean bidelagun izango direlakoan, ondoko batzarren berri ematen jarraituko dugu.