Udalbiltza -

Auziperatuek prozesuaren berri eman zuten Legebiltzarreko Giza Eskubideen Batzordean

Sat, 22 Nov 2008 08:22:25 +0100

UDALBILTZAko auziperatuek euren eta UDALBILTZAren beraren aurkako prozesuaren berri eman zuten atzo Gasteizko Legebiltzarreko Giza Eskubideen Batzordean

UDALBILTZAko auziperatuek Euskal Herriko eremu eta maila instituzional guztietara joko dute, Euskal Herriak, herri gisa, erakundetzeko duen eskubidea eta Udalbiltzaren egitasmoaren zilegitasunaren alde agertu daitezen instituzioak eta, halaber, UDALBILTZAren aurka Estatu espainiarrak abiatu duen prozesu judizial eta politikoaren salaketa eraginkorra egin dezaten.

UDALBILTZAren aurkako polizia operazioa burutu zenetik bost urte eta erdi igaro direlarik, epaiketa hastear dago.

UDALBILTZAren aurka Espainiako Entzutegi Nazionalak abian jarritako prozesuan auzipetutakoen ordezkaritza bat Gasteizko Legebiltzarreko Giza Eskubideen Batzordean izan zen atzo, auziaren berri emateko.

Auziperatuek prozesua zertan den azaldu zieten legebiltzarkideei. Auzian, UDALBILTZAko 22 hautetsi eta langilerentzat 10 eta 23na urte bitarteko espetxe-zigor eskaerak egiten direla adierazi zuten, baita UDALBILTZA bera legez kanpo uztea ere, hori guztia UDALBILTZA erakunde terrorista delako akusaziopean eta auziperatuak erakunde terroristako kide.

Zigor eskaera gogor hauen funtsa, Euskal Herriak beharrezko ez ezik guztiz eskubidezkoa duen ekimen insituzional bat bultzatzean datzala adierazi zuten auziperatuek. Akusazioen txostenetan jasotzen denez, terroristatzat jotzen da herritarrek demokratikoki hautatutako hautetsiek nazio mailako erakunde bat sortu eta erakunde horrek maila instituzionaleko hainbat ekimen, guztiz publiko eta zilegiak izan direnak garatzea.

Horrenbestez, horrelako ekimen bat auzitegien bidez zigortzeak demokraziarekin eta nazioarteko hainbat eremutan herriei aitortu eskubideekin bateraezina denez, UDALBILTZAko auziperatuek zera eskatu zioten Gasteizko Legebiltzarrari: Euskal Herriak nazio mailako instituzioak sortzeko eskubidea eta UDALBILTZAren egitasmo instituzionalaren zilegitasuna defendatzea, instituzio nazionalaren aurkako prozesu judizial eta politikoaren salaketa eraginkorra egitea, eta izango den epaiketaren jarraipen zehatza egitea bertara begiraleak igorriz.

Auzipetuek argi dute horrelako prozesu eta epaiketa batek, demokraziaren beraren kontzeptua eta legalitate printzipioa urratzeaz gain, Euskal Herriak nazio mailako erakundeak sortzea galeraztea bilatzen duela. Hori dela eta, erakunde guztiei dagokie Euskal Herriak eta herritarrek, herri gisa, nazio mailako erakundetzeko ekimenak abiatzeko duten eskubidea defenditzea eta eskubide horren aurka doan prozesu eta epaiketa hau bezalakoei aurre egitea.

Bide horretan, atzo Gasteizen eginiko eskaera eremu eta maila instituzional guztietara eramateko asmoa azaldu dute auziperatuek.

2008ko azaroaren 21ean

Auziperatuek prozesuaren berri eman zuten Legebiltzarreko Giza Eskubideen Batzordean (2008-11-21)

Mon, 15 Dec 2008 18:14:42 +0100

UDALBILTZAko auziperatuek euren eta UDALBILTZAren beraren aurkako prozesuaren berri eman zuten atzo Gasteizko Legebiltzarreko Giza Eskubideen Batzordean

UDALBILTZAren aurkako polizia operazioa burutu zenetik bost urte eta erdi igaro direlarik, epaiketa hastear dago.

Bide horretan, atzo Gasteizen eginiko eskaera eremu eta maila instituzional guztietara eramateko asmoa azaldu dute auziperatuek.

2008ko azaroaren 21ean

1.000 udal hautetsik baino gehiagok adierazi dute euren atxikimendua (2008-10-30)

Mon, 15 Dec 2008 18:12:37 +0100

Udalbiltzaren aurkako auzian 22 pertsona 10 eta 23 urte bitarteko espetxe zigor eskerei egin behar diote aurre. Horietarik gehienak udal hautesi ohiak dira eta akusazioek (fiskala eta “Dignidad y Justicia” elkartea), jasotzen dituzten jardueretan Euskal Herriko edozein udaletxek bultzatzen dituen egitasmoak baino ez daude, bai kultur, hezkuntza, hizkuntza, kirola, garapen ekonomiko edo antzeko arloetan. Ez dago jarduera bakar bat ere delitutzat jo daitekeenik. Hala ere, zigor eskaerak 10 eta 23 urte bitartekoak dira.

Honetaz gain Euskal Herriak aro modernoan izan duen Instituzio Nazionala, udal hautesiz osotua eta gidatua dagoena, epaitu eta legez kanpo jarri nahi dute Espainiako Auzitegi Nazionalaren bitartez. Euskal gizarteak bere adierazpen instituzionala eraikitzeko duen eskubide demokratikoa zapuztu egin nahi dute.

AUZIAREN SALAKETA LAN TALDEKO UDAL HAUTETSI ETA HAUTETSI OHIEN MEZUA 2008-06-21

Wed, 01 Oct 2008 11:06:35 +0200

UDALBILTZAKO AUZIPETUAK
ETA HAIEKIKO AUZI HONEN SALAKETA DINAMIKAN PARTAIDE DIREN
UDAL HAUTETSI ETA HAUTETSI OHIAK

NAZIO ERAKUNDEAK ERAIKITZEKO ESKUBIDEA DUGU
BIZI BEDI EUSKAL HERRIA !

1.- AUZIAREN SALAKETA LAN TALDEKO UDAL HAUTETSI ETA HAUTETSI OHIEN MEZUA:

• Espainiako Auzitegi Nazionalak Udalbiltzako 22 ordezkari eta langileren aurka abiatu asmo duen epaiketa politikoa dela eta, udal hautetsi eta hautetsi ohien salaketa adieraztera gatoz eta, aldi berean, Euskal Herrian nazio-erakundeak eraikitzeko eskubidea aldarrikatzera, bide batez auziperatuoi gure elkartasuna modu praktikoan ere adieraziko diegularik.

UDALBILTZAREN ABERRI EGUNAKO EBAZPEN INSTITUZIONALA, EUSKAL HERRIKO JENDARTEARI

Sun, 23 Mar 2008 12:32:54 +0100

Aldaketa politikoaren garaian dago Euskal Herria. Azken urteotako ibilbideak nabarmen erakusten du herri honetan izandako bilakaera politikoa. Izan ere, urte gorabeheratsu eta nahasiak izan badira ere badago guzti horren gainetik azaleratzen den errealitatea. Errealitate horren barruan bi gako nagusi ageri zaizkigu. Alde batetik, Euskal Herrian, antolaketa politiko berri baten premia gatazkaren konponbidearen oinarria dela barneratu da eta bestetik, antolaketa politiko berri horrek Euskal Herritarren borondatean oinarritu behar duela.

Aurtengo aberri eguna testuinguru horretan kokatu behar da. Horregatik, aldaketa politiko horren norabidean lan asko dago egiteko. Euskal Herria nazio bat dela aldarrikatzeko eguna da aberri eguna. Euskal Herrian sinisten dugunok, herri bezala bat eginik agertzeko eguna. Bide horretan, poztekoa da Nazio Eztabaida Gunetik landutako deialdia. Alderdikeriak alde batera utzita, gure herriaren izatea aldarrikatzeko deialdi zabala burutu baitute. Bat egiten gaituzten elementuak kontutan hartuta, herri bezala ager gaitezkeela erakutsi dute. Eta hori ezinbestekoa da askatasuna lortu nahi duen herri batentzat.

2008ko ABERRI EGUNERAKO UDALBILTZAREN DEIALDIA (2008-03-14)

Fri, 14 Mar 2008 15:52:15 +0100

Martxoak 23an ospatutako da aurtengo aberri eguna. Urtero bezala, Euskal Herria nazioa dela eta bere buruaren jabe izan behar duela aldarrikatuko dugu euskal herritarrok. 1931. urtean aberri eguna ospatzen hasi ginenetik aldaketa handiak eman ditu gure herriak. Ororen gainetik ordea Euskal Herria zazpi herrialdez osaturiko herria dela, herri bat garela ozen esaten jarraitzen dugu. Eta hau esaten jarraitzen dugu gure herria, gure nazioa, ukatua izaten jarraitzen duelako. Espainia zein Frantziako estatuek gure herria zatituta eta eskubiderik gabe mantentzen dute. Horregatik aurtengo aberri egunean ere herri gisa, nazio gisa azaltzeko beharra azpimarratu nahi dugu.

Udalbiltzako hautestiak Udalbiltza azuiaren aurrean Nazio Eraikuntzan beren konpromisoa berresten dute(2008-01-9)

Wed, 09 Jan 2008 15:19:02 +0100

Gaur Baionan Lapurdi, Baxe Nafarroa eta Zuberoako hautetsiek, Xarlo Etxezarreta Udalbiltza auzian azuiperatua lagun zutela agerraldia burutu dute.

URTE BERRIARI, ERRONKA BERRIAK. UDALBILTZA INDARTZERA GOAZ (2007-12-28)

Fri, 28 Dec 2007 15:27:48 +0100

Udalbiltzaren berrantolaketa, pizkundea eta suspertzea
bultzatzeko garaia da. Badakigu, orain arte bezala, ez dela bide erraza izango,baina jakin badakigu elkarlanerako prest dauden udal hautetsiak daudela herrietan.

nazio bat gara!Euskal Herriko kirolari guztiok batuko gaituen federazioak behar ditugu(2007-12-27)

Thu, 27 Dec 2007 11:52:14 +0100

Euskal Herriko Kirolariek agerraldia eskaini zuten Abenduaren 29rako ESAITek deituriko MANIFESTAZIO NAZIONALEAN parte hartzera deituz eta ADIERAZPEN BAT LUZATU ZIOTEN EUSKAL HERRIARI.Udalbiltzak lerro hauen bidez, bat egiten du aipatu adierazpen eta deiarekin.

ABENDUAREN 22an EHNA ERABILI EGUNA OSPATU ZEN BAI EUSKAL HERRIAREN ESKUTIK(2007-12-26)

Thu, 27 Dec 2007 11:14:34 +0100

Aipatzen ari garen bezala, euskal nortasuna eta identitatea ez dira errespetatuak Gobernu Espainiar eta Frantsesaren eskutik. Baina egungo instituzioak kudeatzen dituztenen aldetik ere, euskal nortasuna eta identitatearen aurkako urraketak ematen dira.

EUSKAL HERRIA NAZIOA DELAKO "EHNA ERABILI EGUNA" ETA "EUSKAL HERRIKO SELEKZIOAREN" EGUNAK BABESTEN DITU UDALBILTZAK(2007-12-21)

Fri, 21 Dec 2007 09:30:27 +0100

Lerro hauen bidez abenduaren 22rako Bai Euskal Herriaren eskutik deituriko "EHNA erabili eguna" eta abenduaren 29rako Euskal Herriko Kirol Selekzioaren egunak direla eta, Udalbiltzak ekimen hauek babestu eta txalotzen ditu.

UDALBITZAKO AUZIPERATUEN BATZARRAK HAINAT HERRIETAKO UDAL HAUTETSI ETA HAUTETSI OHIEKIN(2007-12-20)

Thu, 20 Dec 2007 10:27:31 +0100

Abenduaren 7an Udalbiltza auzian, auziperatuek emaniko agerraldian adierazi zuten moduan, hainbat udalerrietako hautetsi eta hautetsi ohiekin harremanak ireki eta bilkurak egiteko borondatea adierazi zuten.

Harreman horietan lehen urratsak ematen ari direla esan dezakegu, pasaden abenduaren 15ean Lea Artibaiko eskualdean eta bart Oiartzunen eginiko bilkurekin.

UDALBILTZA AUZIKO AZUIPERATEUK AGERRALDIA BURUTU DUTE (2007-12-07)

Fri, 07 Dec 2007 18:25:19 +0100

Udalbiltza auzian inputaturiko 22 lagunetatik 11 batu gara hemen gaur. Udalbiltzarekin bat egin eta gure hautetsi zereginekin konpromisoa hartu genuelako, eta lan horregatik zigortu nahi gaituzte.

ABENDUAK 6, NAZIOTASUN ESKUBIDEAREN URRAKETAREN SINBOLO ETA EGUNA(2007-12-04)

Tue, 04 Dec 2007 10:19:03 +0100

Euskal herritarron naziotasunerako eskubidea zapalduta dagoen honetan, egun inposatu honek esanahi berezia du euskal herritarrontzat.

18/98 AUZIKO AZKEN ESPETXERATZE ETA ERASOEN AURREAN, UDALBILTZAREN ADIERAZPENA(2007-12-1)

Mon, 03 Dec 2007 12:29:16 +0100

Udalbiltzako gogor salatu nahi du euskal herritar hauen aurkako eraso eta espetxeratzeak, eta gogortasun berarekin salatu nahi du gure herriaren eraikuntza kriminalizatu, ilegalizatu, epaitu eta kondenatzea. Gure herriaren eraikuntzaren aurkako eraso gisa ulertzen du Udalbiltzak 18/98 zein irekita dauden hainbat auzi.