Udalbiltza - jarduna

HAUTETSI ETA HAUTETSI OHIEI DEIA

Wed, 02 Jul 2008 12:29:29 +0200

Udalbiltzaren aurkako epaiketaren ataritan garen honetan, auziperatuak diren hautetsi ohiek dinamika berrian abian jarrai dute. Zuengana gerturatzen gara hautetsi eta hautetsi ohiei deia luzatzen dizuegu, zuon atxikimendua ematera:

Nazio Batuek Giza Eskubideen bermearen eta erabilpenaren zaintzaz arduratzeko dituzten tresnei (Giza
Eskubideen Nazio Batuen Kontseilua).
Honako erakunde hauek Giza Eskubideen bermearen eta erabilpenaren zaintzaz arduratzeko dituzten
tresnei, Europar Batasunak (Europako Parlamentuaren Giza Eskubideen Batzordea), Europako Kontseiluak
(Giza Eskubideen Komisarioa; Giza Eskubideen eta Arazo Juridikoen Zuzendari Nagusia) eta Europako

Bai Euskal Herriari-k maiatzaren 27an kaleratutako oharra

Tue, 29 May 2007 20:35:31 +0200

MILAKA EUSKAL HERRITARREK EMAN DUTE BOTOA EHNAz!

Gaurko egunez, berriro ere, milaka eta milaka herritarrek bozkatu dute EHNAz. Ehunka mahaitan onartu eta errespetatu dute EUSKAL HERRIKO NAZIOTASUN AITORMENA.

INOIZ BAINO OZTOPO GEHIAGO aurkitu dituzte euskal herritar gisa, EHNAz bozkatu nahi izan duten herritarrek.

Zirkular bereziak mahaietako lehendakariei, PPko eta PSOEko ikuskatzaileen presioak eta mehatxuak, Poliziaren presioa eta Guardia Zibilaren jazarpena jasan dute udal eta foru hauteskunde hauetan mahaietako partaide izatea suertatu zaien herritarrek, baita bozkatzera bertaratu diren milaka euskal herritarrek ere.

UDALBILTZAREN ERAKUNDE MEZUA UDAL HAUTESKUNDEAK DIRELA ETA

Fri, 25 May 2007 13:10:58 +0200

Euskal Herrian zein nazioartean hainbat eragilek eta pertsona esanguratsuk eskubideen urratzea salatu izanarekin bat, egoera hori burujabeki gainditzeko neurriak proposatu ditu Udalbiltzak: EHNA eskuan, euskal herritar gisa aritzea eta herritarren borondatea errespetatzea, kanpoko inposizioak onartu gabe.

Nazioarteko pertsona zein eragile esanguratsuek, Europako hainbat parlamentarik eta Euskal Herriko ehunka herritar ezagunek hauteskunde hauetan eskubide zibilak eta politikoak urratu egiten ari direla salatu dute, eta haiekin bat egin du Udalbiltzak berriro ere. Espainiako auzitegien inposizio antidemokratikoaren gainetik, sufragio unibertsalerako eskubidearen zentsura aintzakotzat hartu gabe, euskal herritarrak euren borondatea libreki adieraztera gonbidatu ditugu eta, horretarako, Euskal Herri osoan eskubide guztiak aitortu eta bermatuko dituen esparru politikoa ahalbidetu behar duen prozesu demokratikoarekiko konpromisoa adierazi duten indar politikoei ematera botoa.

"INPOSIZIOEN GAINETIK, EUSKAL HERRITARREK LIBREKI ADIERAZI BEHAR DUTE"

Thu, 17 May 2007 19:14:52 +0200

UDALBILTZAREN JARRERA OFIZIALA ETA PROPOSAMENA ESPAINIAKO GOBERNUAREN ETA AUZITEGIEN ERABAKIA DELA-ETA EUSKAL HERRIAN UDAL ETA FORU HAUTESKUNDE DEMOKRATIKOAK ZEIN PROZESU POLITIKOA OZTOPATZEKO.

Espainiako auzitegien inposizio antidemokratikoa dela-eta, egoera hain larria izanik, Udalbiltzak, Euskal Herriko nazio erakunde gisa, sufragio unibertsalerako eskubidearen aurkako zentsurari aurre egitera deitu nahi ditu Euskal Herriko alderdiak zein herritarrak, euskal herritarrek euren borondatea libreki adieraz dezaten eta bozkatzen dutena errespetatu egin dadin.

“Diasporan bizi garenok gatazkaren parte gara, eta konponbidearen parte ere izan behar dugu”

Fri, 27 Apr 2007 18:36:59 +0200

Mariana Fernández EHNA proiektuaren Argentinarako eta Uruguairako arduradun eta zortzigarren herrialdeko kide aktiboa Euskal Herrian izan zen duela zenbait aste, Iparra-Hegoa Fundazioaren gonbitari esker. Argentinan berriro ere, Marianak dio euskal diasporak eginkizun handia bete behar duela gatazka politikoa demokratikoki konpontzeko. Izan ere, diaspora gatazkaren parte dela uste du, eta, hori dela-eta, konponbidearen parte ere izan behar duela.

Duela zenbait aste Euskal Herrian izan zinen. Zer iruditu zitzaizun?

Baziren hamabi urte ez nintzela Euskal Herrian. Garrantzitsua deritzot hori nabarmentzeari, Euskal Herria ezagutu egiten badut eta Euskal Herriarekin etengabeko harremanetan banago ere, denbora luzea igaro delako.

2007ko ABERRI EGUNA: ADIERAZPENA

Wed, 11 Apr 2007 11:24:10 +0200

NAZIO GISA JOKATZEKO GARAIA DA. ABERRI EGUNEAN HASITA, EKIN DIEZAIOGUN ELKARREKIN EUSKAL HERRIAREN ERAIKUNTZARI.

Gaur data esanguratsua da Euskal Herriko nazio egutegian: Aberri Eguna da, Euskal Herriaren eguna eta euskal herritarren eguna. Egun, Euskal Herria estaturik gabeko nazioa da; izan ere, Frantziako zein Espainiako estatuek ukatu egiten gaituzte nazio gisa. Ukatze horren ondorioz, euskal herritarrak ez gara aske, ez baikara nazioarteko itunetan finkatu diren eskubideen jabe.

Hori horrela izanik ere, euskal herritarrok banantzeko joera izan dugu askotan, eta horrek ere zerikusi handia izan du gure egungo egoera tamalgarrian. Joera hori gainditzen hasteko garaia da. Euskal herritarrok aro berri bat abiatuko dugu eta, horretarako, egundoko garrantzia du nazio gisa agertzeak. Nazio gisa agertu, bai gure nazio eskubideak zapaltzen dizkiguten bi estatuen aurrean, baita Europaren zein munduaren aitzinean ere. Inposaturiko mugen gaineko Euskal Herria erakutsi: hiru milioi herritar, 685 udalerri, zazpi herrialde, Euskal Herritik kanpo bizi den euskal diaspora… Bere buruaren jabe izan nahi duen nazio bat.

NAZIO GISA ARITZEKO GARAIA DA; ABERRI EGUNETIK HASIZ, EKIN DIEZAIOGUN ELKARREKIN

Mon, 26 Mar 2007 18:50:15 +0200

Apirilaren 8a Aberri Eguna da, data esanguratsua Euskal Herriko nazio egutegian. Udalbiltzaren aburuz, sarritan adierazi dugunez, Aberri Eguna Euskal Herriaren eguna eta euskal herritarren eguna da; ez, ordea, askotan iruditu arren, alderdien eguna. Egun, Euskal Herria estaturik gabeko nazioa da. Frantziako zein Espainiako estatuek nazio gisa ukatzen gaituzte. eta, ondorioz, euskal herritarrok ez gara nazioarteko itunetan finkatu diren eskubideen jabe.

Hori horrela bada ere, ezin ukatuzkoa da euskal herritarrok ere banantzeko joera izan dugula askotan. Joera hori gainditzen hasteko garaia heldu zaigu. Aro berri bat hasten ari dela antzematen da, eta inoiz baino garrantzitsuago da nazio gisa agertzea, bai zapaltzen gaituzten bi estatuen aurrean, baita Europaren eta munduaren aitzinean ere. Euskal Herria, inposaturiko mugen gainetik: hiru milioi herritar, 685 udalerri, zazpi herrialde. Bere buruaren jabe izan nahi duen nazioa.

EUSKAL HERRITARREN ESKUBIDEEN URRATZEEN GAINEKO TXOSTENA

Thu, 01 Feb 2007 10:41:41 +0100

Euskal herritarron eskubideen urratzeen gaineko txostenaren sintesiaren eta atalkako edukiaren berri izan eta ekarpenik egin nahi izanez gero, atal honetan duzu eskura. Ekarpenak bidal ditzakezu helbide elektroniko honetara: ekarpenak@udalbiltza.net

Euskal Herriko gatazkaren zioei erreparatu eta, konponbidea bilatzearren, Udalbiltzak eskubideen alorreko lan praktikoa abiatu zuen 2002. urtean hainbat eragile politikorekin, sindikalekin eta sozialekin batera eta milaka herritarrekin.